كله على كله
كله على كله
ورده على فله
انت فاكرنا أيه
وطالع فى العالى ليه
هو كان حصل منى ايه
علشان يحصل ده كله
وهو انا عملت أيه
علشان حبك وزله
وقلبى عملك أيه
علشان عاوز تشله
وانا كنت عملت ايه
علشان شايفنى قله
وعاوزنى اعملك أيه
علشان قلبى تميل له
لو أبوك ربك معطيه
محنا شرفنا مثيل له
ولو قلبى هتقوله شيه
هشرب منه بعد ما ابله
دانا قلبى موش مسرح يا بيه
لهواية التمثيل يا خله
وان كنت معلم ووجيه
ما احنا معلمين فى كله
وان كنت ذكى ونبيه
محنا عباقره وموش جهله
ولو هو مين خبط على الباب
نعرفه من غير من بص له
ليست هناك تعليقات:
إرسال تعليق