*** يا ريت ***
يا ريت عندك شي مزهرية
تا كون وردة وزينلك هيي
وكل ما مريت من جنبها
تاخدني بايدك... و تضمني شويّي
وتقول...
يا وردتي عبيرك حلو
سبحان الله... البعتلي هالهدية
يا ريت...
يا ريتني فراشة... ترفرف حواليك
تفرفر بهالدار... وتفتش عليك
تغلغل بصدرك تتلاقي دفى
وتغفى عا زندك وما يهما حدى
تغرق بعيونك بحر هادي
تسبح بمواجك عالهدى
يا ريت
بضيعك بأفكاري وبسأل عنك
بلاقيك بقلبي شمس نهاري
وبعدك ما بتروح من بالي
حبك بقلبي... نار شعلاني
ع طول المدى
يا ريت...
قلبي وقلبك بشي سهرة
وننسى هالدني والناس
ونقول...
انشاالله ما يجي بكرة
ونغفى على احلام وردية
يا ريت
انت وانا لوحدنا بالدا ر
والليل يسكر من لطف لخبار
ونجمات ترقص حولنا
يغني القمر للحب أشعار
حتى تغفى عيون السهر
على حكاية حب رومنسية
يا ريت ....
همسات حائرة
28/2/2018
ليست هناك تعليقات:
إرسال تعليق