مرسال ..
مراسيل وديت مع الريح
بعد ما ساعي البريد بطل يودي
حبيبي طولت الغياب
غيابك عذاب .. ساكن بقلبي
تاري حبيبي مسكر الشبابيك
نسمة هوى ما قدرت تودي
وتوشوش خدودو بكم بوسة
تاري القمر نام من بكير
مرتاح قلبو .. وموجوع يا قلبي
صار من القهر زندي حزين ..
وشمتانة المخدة
والطير من الفجر بلش يطير
حامل سلام مع وردة
اصطادوا القدر
ما عاد فيه يطير
طار من راسي انا عقلي
وصرت اتقلب واحترت كتير
امرك يا زمن والله غريب
وديت محبوبي على الغربة
لمسة غريبة
البرداية عم تطير
وعصفور عالشباك بيغني
فتحت عيني
لقيت محبوبي انا حدي
ليست هناك تعليقات:
إرسال تعليق