15 مشاهدة
همسات توفيق
؛::::::::::::::::::::::::
بالليل
ومن بعد ما ينام الطير
رح لملم من الماضي
صور وخيالات
وجنب موقدة الحطب
افرش بساط السعادة
ومن رماد القهر
دون حكايات عمر
بالليل رح اطفي نور القمر
واسهر على شموع إديكِ
رح ضم لهيب النار
وسافر مع فرح عينيكِ
وقت بوصل لهاك الكوخ
هونيك ببنيلك
بببت صغير برموش عينيي
السقف قرميد
والحيطان من بؤبؤ الطفولة
والسما نجوم تكون ورد حواليكِ
يا بحر عمري
لو غار نجم سهيل غار
من الفارس المغوار
قولي حضنك الي
مهما حصل
بيبقى الحب تاج
على الراس مرفوع
يا روح الروح
طلبي من الليل يخبر الأحباب
كل شمعة من اصابيعيك
الها قصة بالحياة
من وقت شق الفجر
الحب بالقلب موجود
يا ورد العطشان
الحبق البستان
والفل والمنتور ناموا
بفيت السكران
ومن شم نهديكِ
رقص القلب
وطاف حب للمشتاق
يا فراشة الربيع
يا ريت بشي امسية
أول قصيدة تكون
لعيونكِ الحلوين
وأخر فصيدة تكون
وقت رحيلي من الحياة
:؛::::::::::::::::::::::::::::::::::::
٥/٢٠/٢٠١٨همسات
الشاعر توفيق سليم العجيل
ليست هناك تعليقات:
إرسال تعليق