48 مشاهدة
همسات توفيق
:؛:::::::::::::::::::::
قصيدة بعنوان
أنتِ الأمل
حبي لكِ لا هوادة فيه
لا تراجع
لا إستسلام
نأتي مرة واحدة
إلى هذه الحياة
نريد أن نحيا
لا أن نموت
ويموت الحب في داخلنا
لكِ أقول
عيونك 
🦋⚘
🌷
🦋⚘🌷
ضوت عتم الليل
لمَ كان الحب مطفي
شعلتلك سراج سهيل
والولاعة كانت شمسي
طاف قنديل الفجر
من عطر عيونك
يا قلبي
طلبت النسمة
وغمرة عشق
تقول بحبك
وحبك برق
غطيني بشال الرعد
اوعديني ضلي حدي
كل العمر
وصدق الوعد
غلي فيي دخلك غلي
من حدي عيوني
لا تفلي
يا زهرة روح المشتاق
يا بسمة قلب العشاق
عطر تيابك زهر ورد
شميتك ع طول الوقت
زوريني تبوسك بعد
خلي الحلم يقلب جد
وشوف خيالك بقربي
انتِ يا طير الحمام
يسلملي قلب اليمام
ضميني ونامي عالعهد
عهد عليي كن لك شهد
ومن عيوني تعبي
السعد
يا فراشة أيام القلب
بحبك
وحبك فجرلي السد
سد العشق
يا سعدي
كوني بقلبي
بحر ومد
مدي إيدك غمريني بجد
بحبك يا نور الوجد
مالي غيرك اليوم
وبعد
بعدك حرمني النوم
فراشي صار يرشح زيت
من كتر ما إلك صليت
بركي بشوفك قبل السبت
تتثبت إيدي بإديكِ
حبيتك
ورح حبك بعد
:؛::::::::::::::::::::::::::
٥/٣٠/٢٠١٨همسات
الشاعر توفيق سليم العجيل
ليست هناك تعليقات:
إرسال تعليق