حقوق النشر محفوظة
------------؛
اوعى حبيبى
-------------؛
اوعى حبيبى ف يوم تتغر
ولا يجيلك .. بعد الشر
قالوا ايه ع المر رماك
قال اللى ... منه أمر
-----؛
نابليون من هنا مر
والاسكندر جه ف الحر
ويوليوس قيصر وسع صدره
كيلوباترا شبعت فيه ضر
-----؛
كل ملوك العالم طمعوا
عن خير ام الدنيا سمعوا
حتى سى هتلر غصب مجتمعه
رافض إلا سيادته أصر
------؛
لو كنت من أخوات كان
او فاعل مجهول عنوانا
وتتكبر ع الناس احيانا
ح تعمل ايه ف حروف الجر
--------؛
خلى حياتك .. يعنى عادية
لاهى دلوعة ولاهى نكدية
او حسب الحالة المادية
بالبلدى. . بين كر و فر
واوعى حبيبى ف يوم تتغر
----------؛
بقلم / عادل شعبان
ليست هناك تعليقات:
إرسال تعليق