( وحشاني يامصر )
جافيه علينا ليه يا بلد
لما انتي أم واحنا هنا ولادك
تعبت من كلمة أصبر يا ولد
والضعيف فينا ملوش سند
نشكي ولا نبكي دموع
مفيش فايده و لا مدد
تهنا وسط الزحام واﻻلم
يوم ناكل ويوم نصوم
بس اﻷمان فيكي اتولد
ضعيف قدامك يا مصر
شمسك ترقيني من الحسد
وليلك وقمرك وسهرك
ونيلك ومنديلك اتفرد
علي وجهك يكون نثرك
على سطورك يغنيلك
احلا كلام وشعر يحكيلك
لحم كتافي من خيرك
أصون وعدك وأحميكي
وعلى الجبهه صقر وأسد
مستنيه إيه تاني مني يا بلد
بعت العمر كلو فداكي
وفوق العمر عمر كمان
واضحي واقول اوفيكي
بس انتي ترضي يا بلد
متقسيش علينا بدون جلد
عرفتي كيف احبك يامصر
وانا بروحي افديكي وبدمي
اروي ارضك ونيلك بدون سبب
بلاش يا قلم تكتب وتوجعنا
وكل شويه صوتك يسمعنا
الم بالقلب متربع بيألمنا
وكل مناه الود يجمعنا
بلاش نكدب على احساسنا
واحنا بنبكي من شي ماهوش نافع نحكي عليه
ولو حتى نبوح بالمعنى والصوره والكلمه مكسوره
بردو مفيش حد يسمعنا
تعال ونبش بماضينا
وشوف كيف كنا و كانت ليالينا
وشوف العجب بايامنا
وشوف العيب بيمحي احساسنا
اقول انسي او حتي نستحمل من الاوجاع شوية صبر ينفعنا باوهمنا
لقيت كل شي بين الماضي والحاضر مالوش غير معني واحد يتحكم باحوالنا
نبيع ضمير ونرتاح ونتمتع
وحتي الدمعه معاه تفرح
خلاص مات وكل شي بايامنا ملهاش ولا معني
خلاص مات ضمير امه كانت تصنع بيدها رجال
يموتو في سبيل الحق والعدل تاج علي راس وطنا يا مصر
جافيه علينا ليه يا بلد
لما انتي ان واحنا هنا ولادك
بقلم عابدين محمود البرادعي
ليست هناك تعليقات:
إرسال تعليق