*** نجوم الليل ***
سهراني وحدي
مع الاحلام
بهمسات حب
مزروعة ...
ونظرات ذبلاني
تغفى ع كتف
الليل وتوعه ...
اسمع ع حفيف
الورق دعسات
تفكرك جايي
من ورا الغيمات
تدق ع باب البيت
وتزود دقات
مسموعة ..
تاري الحلم
برافق العشاق
ونجوم الليل
وحدها سهراني
مع كل همسة
تستحي الوردات
البجنينة الحب
مزروعة ...
مشي معي
خلف هالموجات
ع جزيرة حلم
نعيش بامان
بكوخ خشب
بجزيرة من البشر
مهجورة ...
وعتم وليل ما في
غير القمر سهران
يضوي علينا
ويطل من الشباك
يستحي ويغيب
ورا الشطآن
يترك العشاق
بليلة حب
يسطرو للعمر
حكاية حب
واسطورة ...
ونمشي سوى
بين الغابات
ننظم قصايد شعر
نغني الحان
ونكتب على جذع
الشجر حكايات
كيف العشق
برافق الايام
ومع كل نبض
بينطق بكلمات
حروف اسمك بالقلب
محفورة ...
حبك عطاني
عاطفي وامان
وروحي لقلبك
وين ما بتروح
لعندك ... رجوعة
ليست هناك تعليقات:
إرسال تعليق