زجل مغربي تحت عنوان
م.حلاك يا غرام الفقراء...
بالله عليك يا هلال ياقمر...
بغيتيني نغمض عين العقل...
و نسعف البصر...
خليك في سماك راني عليك ما نقدر...
أنت يا بدر بين النجوم كتخنتر...
وأنا تحت رجلي غير التراب و عيني تنضر...
أنا مسكين والمسكين قالو مغلوب الأمر...
وأنت يا مولاي نخوة ومشرف القدر...
لا تغويني بنورك وتحرم علي صلاة الفجر...
لا تخليني نسهر الليالي وعلى ديني نتشغل...
لا تجعلني نبكي عليك وأنت ما عندي ف.نصيب القدر...
خوفي ف.عشقك نولف وعلى فراقك ما نقدر...
أنت يا قمر تخبعك شمس الصباح وأنا ف.غيابك نتكسر...
م.حلاك يا غرام الفقرا...
بكا زمان اللوالا و شحال من حكايا حكاو عقالو...
المسكين محرم عليه الخير والزين ما يتهدالو...
وإيلا حلم به يا حسرة يطيح هلالو...
بالذل يتنعث والكلام القاصح يتعطالو...
الله عليك يا قمر كون تسمع على عشقي ليك شنو قالو...
قالو الجيب خاوي وبالهموم تغيرات ملامح خيالو...
ناسي حالو وحوالو يجري على للي ما يتعطالو...
رجموه بالحجر ولا من يسمع سؤالو...
صحت يا مولاي بصوت الحب وهوالو...
آش ذنبي يا ناس وقلبي ما قديت على حكامو...
ما هو بيدي ياالغافلين ولا أنا قد خيلو وخيالو...
جاني العشق بالعود يطرب والقلب صغالو...
عجبتو الألحان وسار مع نغمات وتارو...
عاودو رجموني يا قمر وقالو سكتوه من هبالو...
م.حلاك يا غرام الفقراء...
أسيدي يا فقير تنازلت ونزلت من سمايا...
في الحب كيف الفقير كيف الغني يا عزي وهنايا...
إيلا كنت أنا قمر راك أنت نجمي الساطع في سمايا...
إيلا خفتي تطلع عندي أنا نزلت ليك حتى تكون حدايا...
غرامك ناداني يا مولاي ليك روحي وعمري هدايا...
قلبي قصر و كل جوارحو خدامك يا سعدي ومنايا...
يا عفيف النفس منابع خيري ليك وللي ما يتعطاليك خصارا...
المال للي يفرقني عليك يا غصن الزهر..
نحرقو بالنيران ويكفي نسعد بحب الفقرا...
م.حلاك يا غرام الفقراء...
سعاد مبتهج
ليست هناك تعليقات:
إرسال تعليق