مساكم حب **( واحة الشعر والنغم))**
*****(((( المينا ))))*****
مبارح عشط البحر والموج شوغضبان
راقب طيور الفلا عم بتحوم عالمينا
شارد خيالي بالدني وعالوعتي سهران
تزكر خيال الغوى والكان يشدينا
هيدا حبيب العمر عفراقه سكران
ودموع متل المطر تخدش مآقينا
إلا وصبية مغندرة ياروعة الرحمن
خلت الملائك إجو وعالشط ناسينا
سوسح خيالي ونسيت يلي كان
شخصت عيوني بشغف والشوق كاوينا
مشيت قبالي وغردت صوتها رنان
شحرور يصدح . ولا كان يهجينا
مبتفرق معي ولا همني الأكوان
ولامملكة ياقوت زاك الحسن ينسينا
قربت صوبا وقلت ياغاية الإتقان
خادم عيون الخضر بالله وصينا
ردت وقالت من طرف حورها الدبلان
بردان جسمي. إذا بتريد دفينا
شلحت العباية ولفلفت جسمها العريان
وغفيت عزندي وناجي الرب يهدينا
عكتر الدفى توهجو وتنورو الخدان
وفاقت رقيقة خصر عالتبيان شو حكينا
ورشفة خمر من ريقها بتنزان
بمال كسرى مهما أثقلوالقبان
هيدا الجرى معي والصار عالمينا
بقلمي
سلمان حسن
ليست هناك تعليقات:
إرسال تعليق