الفراق مكتوب علينا
والهوا اللى ما بينا مات
كله الا دموع عنينا
والسنن والذكريات
شاهدة ع اللى كان مابينا
ب هجرك كله مات
قلبي كان راضى ب نصيبه
يا ما نام ف أحضان حبيبه
والضلوع كات له مطارح
قلبي انا عاشق دا عيبة
لما يعشق يبقى سارح
ف الحبيب ويكون هناه
لما هان قلبي عليك
والغرور كان يوم ماليك
دست ايوه بكل قسوة
ناسي قلبى وكان شاريك
افتكر لحظة هنانا
يوم ميلاد الشوق معانا
ليه بتقتل لحظة حلوة
عمر شوقنا ما مهانه
واوعي ترجع تانى ليا
دمعى سايل وف عنيه
ببكى طول الليل وقمرى
والنجوم شاهدين عليا
انسي كل اللى ما بينا
هى هانت وإحنا هُنا
والورود م الحزن دبلت
والحنان م القلب ولي
ليست هناك تعليقات:
إرسال تعليق