(( دوخة ))
راجع أنا من سهرتي وعودي معي ..
بمشي مدودخ عالطريق بلا وعي ..
وحلوة براس الدرب نطرت مطلعي ..
منشان الله .. ياحواسي اتجمعي ..
وصلت ولقاني الضعف أقوى من السعي ..
فرصة اجتني ومستحي قلا ارجعي ..
تحكي كلام .. وصرت شير بأصبعي ..
قالت عطش :::::::: اشّرتلا عا مدمعي ..
قالت وهن :::::::: اشّرتلا عا موجعي ..
قالت نغم :::::::: اشّرتلا عا مسمعي ..
انزعجت وقالت ياموهبة قومي انبعي ..
موعد بنات الشمس هوّي موضعي ..
قلتلها : ياحلوتي غيبي وتعي ..
تا بمستواكي يكون لائق مقطعي ..
راسي عاكتر السكر والضجة تقيل ..
وماني خرج عاحفل تاني اندعي ..
--------------------------------------------
بقلمي : رامز سلمان حسن
ليست هناك تعليقات:
إرسال تعليق