زجل
ياحلوه الله يصونك
والاعدا كتار
السيفين الفوق عيونك
حدن بتار
فرجينا حركات فنونك
عخط النار
النار بتبرق بجفونك
والرمش شفار
جودي علينا بجودك
والخير كتير
لوح حصرم عنقودك
على بكير
احمروا اطباق خدودك
والبدو يصير
يقطر مازهر ورودك
كركي الزهار
كرمك وراثي وتركي
عرزالو كبير
وجنب الدوالي بركي
مييا نوافير
خلي في عندك حركي
عبيلي الزير
بركي بتحل البركي
بزير الخمار
اوف
دقي كاسك بكاسي
يابنت الناس
خليني عبي راسي
ب أول كاس
بسمعك رنة أجراسي
بنغمة قداس
بترنيمي من احساسي
وهزة اوتار
ليست هناك تعليقات:
إرسال تعليق