ياقلم اكتب معاناتي
المن أشكي همومي
وياهو يحمل مواساتي
بعدني بأول طريقي
وكعت وردت واحد يمسك أيدي
ينقذني
وللطريق يهديني
غمضت عيني وبلحظة
بريق نور يجيني
يهمسلي ويكول انتي بأمان
بكلبج حب وحنان وايمان
معاناتج راح تنزال
ودموعج وأحزانج راح تنشال
وفتحت عيني
ويلاكيني شعاع الأمل و يناديني
وسالت وين اهلي
وين بيتي
اشوكت يحضنوني
بغربتي كلشي ضايع
وكلشي محسوب
حتى الكلمة والخبزة
والماي والنفس
ودمع العين محبوس
جاوبني وكال
رفعي راسج
بالعالي
وانسي همومج وفرحي وتلالي
المستقبل كله كدامج ينادي
ليست هناك تعليقات:
إرسال تعليق