قرار ....!!!
تجاوزتِ خطُوطي الحَمرا
وغلطّتِ بالحَكيْ كتيْر
ما حسَبتِ حسَابْ العشرَة
ولا التقديس ولا التقدير ...
عَا غلطة صغيرة وقفتِ
ونهيتِ حُبنا الكبير
بسهولة رميْتِ وبعتِ
وما تركتِ للصلحة مصير ...
بسّ أنا ما راح كبّرها
أو أغلط فيكِ أو سبّ
والعشرِة راح قدّرها
هيدا تصرّف يلّي بيحبّ !!!
لكنّي مش راح اسمح
خلّيكِ جوّات القلبْ
اللي بساعة غضب بتدبَح
سهل عليها بلحظة تكبّْ ...
ياما غفرتلك غلطات
وما وصلِت بينّا لتجريح
خلّيتها بنظري هفوات
عاتبتك فيها بتلميح ...
كل منّا حرّ بحالو
صار بدّها القصّة تصحيح
والوفقْ الْلي سعينالو
يا خسارة طيّرتو الرّيح ...
عامر ...
ليست هناك تعليقات:
إرسال تعليق