بنت الحَسَبْ ....
مشكلتك ما بتعرفني
شو بكرَه أو شو يَلّي بحبّ
ولا بتعرف أيّْ شي عنّي
وشو اللي مخبّاية بهالقلبْ ...
لاحقني تا تغازلني
وتوقّعني عا راسي طبّ
مفكّر حالك تسحرني
وحياتك هيدا الشي صّعبْ ...
أنا غرقانة لدباديبي
مقسومة عَا أحلى شبّ
ما في متلو بالدّنية
من أوّل نظرة بينحبّ ...
جنتِلْ ومربّى عا أصولْ
ما بيكبّ حالو عَ غيرو كَبّ
ارضى بغيرو مش معقول
لو فرشوا بالدّهَبْ الدّرب ...
شفلك غيري أحسن لك
ولا تشعّل ما بينّا حَربْ
نقّي اللي بتعشق حُبّكْ
ولا تقضّيها غزل ولعبْ ....
عامر ...
ليست هناك تعليقات:
إرسال تعليق