يا عصفورة الليل
=========
يا ليلى شو بكي
لما بشوفك عني تهربي
ما عم تذكري
كنت طفله
جوات قلبي خبيتك
وما كنتي
الا الي تضحكي
======
على المفرق كبرنا
غنينا سوى
على حبات المطر أيام الشتي
أهديتك ورده
وبغيمات هالليل
أهديتيني بوسه
خبيتها جوه قلبي
وأسقيتها من دمعات عيني
وبقيت سهران
أنا وعصفورتي حدي
نحكي حكايات عن المحبة
==============
شو يكي اليوم
عني ما بتسألي
ان جيت حدك
بعيونك عم تهربي
وعلى تلة العشاق
وحدك تسهري
بتحاكي موجات البحر
و على رمل الطرقات
صوره الي بترسمي
بتسرقي النظرات مني
وحد بستان بيك
تحت اللوزه
لعصفورتي عم تشتكي
ب هليل ترجع تحكي الي
أسرار محبتك
وعلى ريشاتها
دمعاتك عم تذرفي
غيبتك طالت
سألت عليكي
حد المرفأ
موجات البحر
سفينة الغربة عم تركبي؟؟
ليكي يا ليلى عني لا تبعدي
انت الليل والدمعات
في القلب ديما
عني ما بترحلي
يا عصفورة الليل
خليكي حد ليلى
في هالغربه
وأنا باقي هون
سنديانة هالوطن
وانت حترجعي
=================
بقلمي الأديب د. رسمي خير (اعادة نشر)
ليست هناك تعليقات:
إرسال تعليق