حبيبي...
ما بحبّك تبرُم وجّكْ
وتتضّايَق منّي وتحرَد
أو ينقص حبّي بقلبكْ
وإحساسَك فيّي يبرَد ...
والله بدُوب بطقّ بجنّ
نيراني ما راح تهمَد
حتى ترجعلي وتحنّ
تسعدني وقلبي يسعَد ...
مش راح اسمح للدمعة
تنزل منّي وتحرقني
ولا راح اسمح للّوعة
بلحظة زعل تدمّرني ...
انت غالي عليّي كتير
روق عليّي تحمّلني
يسلملي قلبك الكبير
اللي بإحساسو بيغمرني ...
بتعرف قديشك غالي
حاجة عليي تدّلل
انت وحدك رسمالي
بغير محبّتك ما بقبل ...
قلبي من دونك خالي
روق عليّي ولا تزعل
بتمنى تضلّ قبالي
تغازلني بشوق واخجل !!
عامر ...
ليست هناك تعليقات:
إرسال تعليق