/ جنون الزمن /
يا هالزمن هدّي جنونك والغضب
رح ينكسر ضهر الدني يموت العصب
بترمي الجمر عَ تيابها وبحروجها
عا خشبة المجهول هالكون انصلب
العدل اهترى بخزانتك ودروجها
وصار الحزن موشوم عا صدر العرب
بتغزل قميص الكفر من منسوجها
وأهل الكتاب تكفّروا يا للعجب!!!!
عوَّمت مدلوج الشقى بمدلوجها
حاجي عَ كوكب هالأرض قلّة أدب
جبت الغرب عَ كرومنا ومروجها
عم يقتل الناطور تا ياكل عنب
ونسيان إنو سوريا بهاجوجها
وماجوجها أم الأصالة والنسب
شدَّت على خيول البطولة سروجها
عَ سيوفها ورجالها النصر انكتب
وإرهاب أمريكا وبقايا علوجها
بيتدحرجوا صوب الهزيمة والهرب
يا هالزمن عن سوريا شيل العتب
بالدم بالأرواح عا كف الوجود
عم تكتب التاريخ بحروف الدهب . د.عيسى فضة
ليست هناك تعليقات:
إرسال تعليق