( ياضحكة هربانه مني )...
يا ضحكة هربانه مني
وفاتتني وراحت لبعيد
سابت قلبي وفارقتني
للحزن وهمي بيزيد
كنتي ف قلبي بخبيكي.
لكن عيوني دايما فضحاكي..
كنتي ضحكة صافيه بريئة دايما دافيه
هربتي مني وسبتيني للحزن يطفيني
دا ....انتي كنتي صديقتي
ولا عمرك عني اتخليتي
ليه روحتي وبعدتي
وانتي كنتي صاحبه عمري وسنيني
وفي عز احتياجي ليكي
بدور عليكي ف كل الوشوش
ودايما مش بلاقيكي
توهتي وفارقتي
والقلب من بعدك مهجور
والف دمعه ف العين
وبيني وبينك الف سور.
نفسي ترجعيلي من تاني
بصفاكي ودفاكي
ده القلب من بعدك انطفي
وليله ونهاره باكي
كتير بحن ليكي
وبدور عليكي مش بلاقيكي
نفسي ترجعيلي من تاني
تملي قلبي وتحي فيه الاماني
يا ضحكة مفارقه
مع الكل كنتي دايما فارقه
ليست هناك تعليقات:
إرسال تعليق