أبُوك يا فِيس بووك 😡
عرفتَك من جمعة عَ الفَيْسْ
وانخلقت بينّا صُحبة
صار بدّك من قلبي حسّ
بإحساسَكْ .. والله صَعبِة !!!
لأ فوقها بتأمرني وبسّ
وما البُس فوق الرّكبة
وكل طلّة بتعطيني درس
ما يكون الْ بينّا كذبة !!!!
يرحم أهلك روق شوي
ولا تعمل فيها بيّي
ما بلّت اجريّيْ المَيّ
وما صافحتَك بيديّي !!!
مش هيك القصّة بتصير
ومنّك مسئول عليّي
يا خوفي من حسَابي تطير
وما تعود تعلّق ليّي !!!....
يَلْ عاشوا مع بعض سنين
لهلأ بعدُن مختلفين
وانت من أوّل يومين
بدّك تتحكّم فيّي ؟؟
لسّانا يا شاطر ع البرّ
تا تبلّشْ تسقيني المرّ
آنا حرّة وانت حرّ
نتناسب ما في نيّة !!
عامر ...
ليست هناك تعليقات:
إرسال تعليق