بنت الأصول ...
بعرف انو انتهينا
ووصلنا لطريق مسدود
مات الحبّ بعينينا
مشاعرنا ما بقالها وجود !!
ومع هيدا لازم نبقى
أصحابْ وما بينّا حقود
كرمال العشرة ال كانتْ
وما نبني بالكره سدود ...
مش وقتها هلأ للّوم
ونجرّح بعض ونقسى
الماضي غرِق وما بقى يعوم
فارق من زمَن المَرسى !!...
مش لازم أمواج الحقد
تسحبنا ونصير أقسى
خلينا ننهيها بودّ
بالبسمة وباقات ورود ...
شكرا على أحلى إحساس
يا أكابر يا أغلى النّاس
بتضلك معدن ألماسْ
لو ما كملت قصّتنا !!
جمعتنا بحب الإيام
الْ كانت أحلى من الأحلام
راح ارمي ببير الآلام
واتناسى الأيّام السّود ....
عامر ...
ليست هناك تعليقات:
إرسال تعليق