مبارح عشية مرقت عابيتك المعمور
بقلبة هديك الجبل والنور ميلالي
تحير كيان الرؤى من هالة المنظور
مفكر بزوغ الفجر إشراق وهلالي
تعبّق نسيم الصبا من ريحة الكافور
حتى اريج الورد هب وظل متوالي
شخصت عيوني على شباكها البلور
كان برجائي تمر لو لحظات وتلالي
مر الزمن وانا راقب برداية المستور
عاحر من جمر عم تمر احوالي
سألتك يربي انت يافالق الديجور
إلحظ وميض البدر عاوجنة الغالي
مدري حرامي انا امّا كنت ناطور
إسقي جناين ورد احلام عا بالي
وعيت بقصيدة كل حروفها من نور
وكاسة خمور الحلم إتراع إنهالي
ترجم فكار الحلم هل كاتبا بسطور
مرت بقدم الزمن عم بتعود عخيالي
عرفت الحقيقة عجزللشاكي المقهور
خلقنا وهن وبالوهن مجبول صلصالي
بقلمي
سلمان حسن
ليست هناك تعليقات:
إرسال تعليق