قصيدة غنائية بعنوان [ سكني بقلبك ]
الأستاذ صالح يرجى إبداء الرأي
--------------------
سكني بقلبك سكني
برداني بحبك دفيني
ماحدا غيرك بهالدنيي
قادر يسعدني و يحميني
سكني بقلبك سكني
برداني بحبك دفيني
----------------------
لو جار عليي الزمان
وعشت الحسرة والحرمان
أنا فيك بحس بأمان
مبخاف من غدر سنيني
سكني بقلبك سكني
برداني بحبك دفيني
----------------------
خليك عليً حنون
أنا والله بحبك بجنون
من حبي غارت العيون
إنت وحدك يللي بتعنيني
سكني بقلبك سكني
برداني بحبك دفيني
---------------------
.. غانم ع الخوري ..
ليست هناك تعليقات:
إرسال تعليق