دويتو ...
# بَعدَك بتحبّني ؟؟
* إيه أكيد..
ما بدّها هالكلمة سؤال !!
# من طبعي بحبّ التأكيد
بتضلّها بتخطر عَ البال !!!.
* معقولة من بعد سنين
عشرتنا تضلّي تشكّي ؟؟
# وحياتك أكتر من هيك
ولو ما قلتها راح ابكي !!!
* يخرب عقلاتك يا بنتْ
انتِ النّبض اللي بقلبي !!
# راح صَدقكْ كرمال عينيكْ
والخوف السّاكنْ حُبّي !!!
* صار دوري هلأ اسأل
بعدِك بتحبّيني كتير ؟
# أكتر والله من الأوّل
وبتضلك بحياتي أمير !!
* قوليها يا أحلى بنتْ
# قولها انت بالأوّل !!
*بموت فيك وغيرك ما عشقت
# تقبرني عليّي اتدلل !!
عامر ...
ليست هناك تعليقات:
إرسال تعليق