/ حوار مفتوح /
قالت له :
تسطّح معي عا تخت أحلامي
تغطّا حبيبي بشرشف هيامي
وغطّي ياشاعر لهفة عيوني
بشال الغزل من شعرك السامي
اكتبني قصيدة حب مجنوني
ما بتنمحي تتقوم القيامي
شيل النعس عن مرصد جفوني
تا ضل شوفك هيك قدامي
بقلبك أنا رح كون مسكوني
وتقطف وحي من كرم إلهامي
تتضل روحي فيك مرهوني
بطوّب إلك أفراح أيامي
فضّي خوابي الشوق بجنوني
تا إسكر من نبيدك الشامي
ولا تظن فيك تروح مني تفل
كلّك إلي موقوف إلزامي .
فأجابها :
متلك أنا وأكتر إلك ملهوف
تكوني معي ع فراش إحساسي
وابقى وقف فيكي أنا موقوف
بأجمل مشاعر حب حسّاسي
بكتبلك بشريان قلبي حروف
وبضبط معك توقيت أنفاسي
بين الصبايا كلها مابشوف
غيرك قمر طالع على قياسي
ومتل الخمر ماباس تم الكاس
بحبك ياحلوي هيك تنباسي . عيسى فضة
ليست هناك تعليقات:
إرسال تعليق