***كان ياما كان****
علي الربابة نسمع اجمل الكلام
نقول كلام نسمع انغام
قول يافنان
كان زمان تتوصف الأحوال
تلحنها علي الربابة بأحلي كلام
توصف وتقول كل الأحوال
حكايات تحكي عيشة الفقير والغلبان
ينام من غير عشا ويحمد ربة كمان
ويحكي حكيات الملوك والصعلوك
علي الربابة عيشنا ايام احلي ايام
العيشة كانت بسيطة في كل الاحوال
المولود حتي كبر واصبح كتكوت
يفرح ويفرح القلب المكبوت
دلوقتي المولود هو هو بس الزمان مش هو
كبرت العيال وحملتك الهم بالأوزان
دا شهيد ودا حياتة ماشي حياة مش مظبوط
علي الربابة اغني واقول اشعار
الدنيا صعبة والعيشة مرار
والاب في دوامة داير في ساقية عميان
يشقي ويتعب ويجيب القرش بالمرار
الجيوب فاضية علي الدوام
والعيشة اصبحت محال
ونقول فين ايام زمان
كان ياما كان
تكبر العيال وهمها يتوزن بالأحمال
الأم ياعيني عليها تشقي
وتتعب برة وجوة وتعلم بالمجان
وعيال زنانة طلبتها في الحال
ونقول كمان علي الربابة
اللقمة زمان كانت هنية تكفي مية
دلوقتي العيشة صعبة
لا حياة تصر ولا ايام بتمر
كلة ماشي في التوهان
علي الربابة
****كان ياما كان***
نعمت عامر *******
ليست هناك تعليقات:
إرسال تعليق