&&&& ( عبقرية شاعر)&&&&&&&
بدك بالشعر اوصف عيونك
ولكل الناس إشرحلن فتونك
عراسي بتأمري عليي أوامر
شرط م تطلّعي عليي جنونك
عندي قلام جمّة والمحابر
فيها صباغ من لمعة جفونك
شو هالحلا فرّغتي المساكر
تصارو نجوم كوني يسيهرونك
لولا غيرتن والبدر ناطر
على الزرقاء كانو بيعزمونك
عرفو رفقتك فيها مخاطر
على الغرّاء ليش يطلعونك
كنتي والبدر من زمن غابر
تعبو كتير حتى ينزلونك
آدم لجلكي الفردوس ناطر
إحتالوا من التفاح اكّلونك
نزلتي عالأرض ياضلع قاصر
مظني بعد مرة يرفعونك
الله وقّعك في إيد شاعر
الشّعار كيف بدهم يرحمونك
عليكي مغلّقا كل المعابر
معاد تفيد ترسانة حصونك
يلي بيعتلي برج المنابر
قدير بهمّتو يشتت ظنونك
جعلتك زوجتي حتى المقابر
نصيحة بنصحك هدي هتونك
لأنو عالسما مافيه رجعا
سلكي درب الوفا بعيني بصونك
بقلمي
سلمان حسن
ليست هناك تعليقات:
إرسال تعليق