آااااه يا حُلم !!
معقول مسَافر يا حُلم
وما بقى ترجع تسعدنا ؟؟
وتتركنا ببحور الهَمّ
وعن أفراحك تبعدنا ؟؟
شو عملنالك حتى تفلّ
مين اللي قَهَركْ منّا
بتضلّك بعيون الكلّ
دخل عيونك سامحنا !!!
واقعنا بيبكّي دَمّ
تغيَّر كل شي وغَيّرنا
ما بقى لنا غيرك يا حلم
غيابك والله بيدمّرنا !!!
خلّيك حدنا اوعى تغيبْ
ما بقى لنا غيرك يا حبيب
عايشين بقهر وتعذيبْ
اوعى تضلّ مفارقنا ...
بكرى مشاكلنا بتنحلّ
والحقّ بيرجع سلطانْ
وبيرحل عنّا المحتلّ
والعَرب بيبقوا إخوان ...
وقلوب الناس بتصفى
لا في حقد ولا طغيان
وما بيحكُم إلا الأَوفى
ونهجُه بالحكم الميزان ...
يرحم بيّك ضلّ شوي
لا تموّت فينا الإيمان
ما ضلّ غيرك بينّا حيّ
ونتفه من شرف الإنسان 😥
عامر ...
ليست هناك تعليقات:
إرسال تعليق