قسمة ونصيب 😥
من بعد العشرَة والحُبّ
صرتِ تحاكيني سرقة
مش ذنبِك ينزف هالقلب
ولا كنتِ سَبب الفُرقة !! ...
مش راح اتحجّج بظروف
او اتلاعَب بالحروف
تا تحاكيني بالمعروف
وتطفّي بصدري الحَرقة ...
لسَّاني بحبّكْ عن جَدّ
بتشهد لي دَمعات الخدّ
الله يسامح زمني الحَدّ
اللي سَرقك مني سرقة ...
مش جايه اقلبها غمّ
أو حامل عَ جناحي هَمّ
كان أملي لحظة نلتَمّ
تا جروحي تبرُد وترقى ...
يا دنية كيف هيك وصار
رميتِ أحاسيسنا للنّار
اللي بحبها صارت تذكار
وعابِر يملكها بوَرقة !!!...
عامر ...
ليست هناك تعليقات:
إرسال تعليق