&&& &&&( عابر سبيل)&&&&&&
عابر سبيل الهوى كن عاجز وختيار
بقلبو حنين الدني عدروب ورّادي
بستان حقل الشعر ع دايرو جلنار
وكلمة عشق بقت للحُب زوّادي
تآنس ربيع الفكر مع رفّة الأطيار
تشدو ع غصن الكرز واللوز معتادي
هونيك بعدو الهوى ع زهرة الصبّار
بيحكي زجل وعندو شعار قرّادي
وبقعة حنان ودفا ماشابها إعصار
كل الغوى والسحر والتلوين مرتادي
هونيك يحلو الشعر ع ردة المزمار
وأرشف قصيدة هوى بتزكّر ولادي
الشّاعر فتي ما بتهرّمو الأعمار
الروح جوهر أما الجسم سجّادي
الشاعر نبي قدر. ما همّ بالأفكار
الشعر قدوتي وأنتوا الكل أسيادي
حرفي لكم رحل وملونو بياقوت
طاعة لأهل الشعر والفهم معتادي
بقلمي
سلمان حسن
ليست هناك تعليقات:
إرسال تعليق