انا الانسانة عايشي ايامها عم تحلم
سرقت من ضي الشمس نورها وتحلم
تخبي من عيون الناس دموعها وتحلم
تطير بالسما متل الطير الحر وتحلم
تقطف من الليل النجوم وتخبيها وتحلم
لما يطلع الصبح ما تفيق من قلب الحلم
الحلم الي جواتي كل يوم عم يكبر
الحلم مطرز بكلمات كتبتا من الصغر
حلم عم يشوف الألم والفرح والحزن
الحلم كل ما فتحت عيوني بقرب مني
حلمي انا مش غريب ولا بيعرف يغدرني
الحلم متمسك فيني وما ممكن يوم يتركني
صار الوقت وقرر الحلم يصير حقيقة
بس يا خسارة طريق الحلم بعيد وما له نهاية
ع الشمال واليمين الحلم عم يفتش ع مين
يمكن مش عارفين حلمي عم يدور ع عيوني
يغمرني بحنين وشوق لاحلام سنين مدفونة
خايفة نلتقي انا واحلامي من بعد ما العمر يخلص
ليست هناك تعليقات:
إرسال تعليق