(مشهد ) شعر محكي
بالعيد حملت إبنها ونزلتْ
وعجقة مدينة وناس
وحركة فرح أنوارها طلّت
وعم تقرع الأجراس
وعطر الصبايا جامح وملفت
وبيسكر الأنفاس
ولمّا عا سوق الألبسة وصلت
تا تشتريلو لباس
وقاست جاكيت عليه شو لبقت
وشو فرح فيها وماس
عن سعرها بيّاعها سألت
وعا السعر صوتا ناس
وقالت ياأبني سيبها بلكت
منشوف غير قياس
و إيدو ب جاكيت الغلا مسكت
وضمّ أمّو وباس
وقلّا ياأمي شكلها ب يخوت
وزرارها ألماس
ب إيدينها راس الصبي ضمّت
والراس حكّ الراس
نزلت دموعا وعا القهر بكيت
وتجروح الإحساس
والحزن طاف بصوتها وزعلت
وصابا درخ ونعاس
وقالت ياأبني وزفرتا طلعت
مرّ الزمن ضيّع فراح العيد
شو بيقهر الإفلاس
شعر: بسام الأسبر
ليست هناك تعليقات:
إرسال تعليق