يلّي مقصّر بالوَاجبْ
ونازل بالكلّ معَاتِبْ
كيف بدّك لهفة هالنّاس
وانتِ غيرَك مو حَاببْ !!!
هدّي طوفان الّعتَاب
قلبنا من الحامض دايبْ
عا مهلك سَكّر هالبابْ
مش ناقصنا مَصَايبْ !!!!
يلّي فينا مكفّينا
كلماتك ما بتعنينا
أحسَن لكْ ما تدانينا
ولا تقرّينا اللي كاتِبْ !!!
خلّيك بحالك مهموم
لا تنقّط بقلوبنا سمُوم
ولا تسمّعنا يا عيْب الشّوم
تا ما تسمع منّا العَايبْ !!!
انت القمّة وانت الذوق
نجمَك وحدو طالع فُوق
أوسمتك عا الرقبة طُوق
والعَظَمِة عا جسمَك قالبْ !!!
شو بدّك فينا دراويشْ
عايشين الدنيه تَهميشْ
أوزانّنا بعيونك ريشْ
دوّر على غيْرنا صَاحِبْ !!!
عامر ...
ليست هناك تعليقات:
إرسال تعليق