ح & ب ...
يخرُب ذُوقُن هَالحرفين
اللي قلبولي حياتي قَلبْ
وبكّوا لي بقهر العينين
وما سألوا عن حَرق القَلبْ !!
ما قدرتْ عليُّن ولا مَرّة
وما ربحتْ بسَطوتهُن حَربْ ...
قالولي اللي خسروا قَبلي
لا تحاول تكسرهن صَعبْ !!!
بيفوتوا ع القلب بسحرُن
ما حَدَن بالكون بيمنعهن
سبحانُه اللي قوّى سرُّن
وخلّاهن ينسكبوا سكبْ !!
فترة قضّيتها عَم غَرّد
يمدَحوا فيّي وفيُّن مَجِّد
من بعدا آهاتي عدّد
وكم شوكة زرعوا بهالدّرب !!!
يا ريتني ما وقعت بشَرّن
وسكّرت البيبان بوجّن
كنتْ بحالي خالص منّن
ما طبّوني عَ وجّي طَبّ !!!
عامر ...
ليست هناك تعليقات:
إرسال تعليق