يا طفل بعمر الزهر مفتح بنيسان
يا حبيب المصطفى النبي العدنان
منك تعلمنا الصبر والقوة والعنفوان
والبسمة من شفافك بتشفي الجراح
مين قال انه الوجع بيقتل الجسد والروح
يللي اثبتت للعالم معنى الصبر والصمود
بتتحدى الألم وبتمسح الدمع من العيون
وبتفتح ابواب الأمل مع لحن وغنية للأفراح
خدني من ايدي وديني ع عالمك البريئ
عالم ما فيه الا الصدق والمحبة والصديق
غمرني بعطفك انت القوي وانا الضعيف
الله وهبك جمال الملاك المرفرف بجناح
سجن الحياة قاسي وبارد ما فيه حنان
ناس ما عندها احساس وضمير ولا ايمان
ناس بوجوه مخباية تحت عباية الدين
بس بعيونك خلقت المحبة بنور الصباح
كلمة الآه لما تقولها بيسمعها الملك القدوس
من جوا القلب عم تطلع وبترافقها صرخة روح
ع ابواب الجنة محفورة وبتحرسها الطيور
ونحن عايشين مع ذنوبنا ومنغني بليالي الملاح
ايدي بإيدك خليها من لمستها باخد بركة
جوا عيونك مخبيها وع شفافك اجمل ضحكة
كلماتك لما بتحكيها الناي بيعزف احلى نغمة
يا طفل بعمر الزهر مفتح بنيسان انت الحياة
رندا ابراهيم
ليست هناك تعليقات:
إرسال تعليق