. محاورة
نقطة ميّ بتغازل
قنينة زجاج (قزاز ) و تردلها القنينة
الميّ :
دخيلو الحلو الشفاف
إلي بيحطني بقلبو
بشوف وما بنشاف
والناس كلها بتقتنيكي
القنينة :
يلي ساكنة لبي وملياني
بكرمك ما إلك ثاني
أنا معك رايقة بالدفى
و بعرق لما تكوني برداني
الميّ :
هذا أنا عم نديكي
عن الشوب بعيد خليكي
الناس يشوفوا هيك منظر
يركضوا يبوسوا فيكي
القنينة :
يبوسوني تا يحصلو عليكي
ما قصدن شفتي بدن شفتيكي
يا أما يزيدوك ع كاس
يتحور يسكروا منه ياشريكي
الميّ :
الكاس واحد من أصولك
يمكن مأخوذ من ضلوعك
بيندق بمحبي وهنا
إلو رنة ي تسعد الحواليكي
القنينة :
يا سارحة بالأرض نهر
تروي شجر يفتح زهر
زهر تكون بطيب الثمر
نعمة الله عاطيكي
..غانم ع الخوري ...
ليست هناك تعليقات:
إرسال تعليق