/ فيكي خلقت /
شفافك خمر عنقود حلواني
بطعم العسل ع نبيد حوراني
فيكي خلقت من اول التكوين
وإنتي صبح من ليل خلقاني
بلون الوفا بتلوّني التلوين
وقلبك كنز للحب إنساني
وصدرك برج بيطيّر حساسين
تصدح نغم وترندح غناني
ع وتار شوقي بتعزف تلاحين
وبتبات بين وراق أغصاني
بالبرد بتصحّي عبير الياسمين
بيدفا معي ع شفاف جهلاني
بحبك أنا قد الأسى واللين
وخوف الطفل عا أم تعباني
وشهوة صبح ع شميسة كوانين
ولهفة عتم ع شموع شعلاني
ما بخاف عمري يفوت عا تشرين
وإنتي بربيع العمر بقياني
بلمسة عشق من قلبك الميمون
بلمح البصر برجع ع نيساني .د. عيسى فضة
ليست هناك تعليقات:
إرسال تعليق