120 مشاهدة
همسات توفيق
:؛:::::::::::::::::::::::
{ أمي }
ابتسموا شفافي
وقت حسيت بقربها
فتحت كف الايد
وبأصابيع الحليب
خرمش صدرها
هزيت عرش الأمومة
لما سمعت صوتها
صرخة ياماما لما وجعتها
غسلت خدودي
بدمعات عطرها
نهدات من الروح
ودعت رحمها
تسعة شهور ببطنها
كنت طفل صغير
صفر واحد بالتكوين
كانت مخدتي نبضات قلبها
تعلمت السباحة
ببحر أملها
كان في خيط رفيع
معلق بيني وبينها
اليوم صرت زهرة حياة نايم بحضنها
من وقت شق الفجر هل نورها
نور مندور عايش بظلها
كانت الفرح للفرح والحزن ما بيوصلها
يا عطر المبخرة يا حبوب من بخور
رسمها الصليب والعز بيلبقلها
يا امي يا ام التسعة
مين أدك
العذراء مريم ام المسيح
والقدسين اليوم جنبك
المسبحة بإيد وبإيد سلم المجد بيلبقلك
يا جالسة بغرفة الإنتظار
السفر مشتاق للسفر
التكت انحجز
صفر الحكم للحكام وبتدا للرحيل
سكة الحديدحددة المصير
والمشوار بعدو طويل
صوب القمر شديتي الرحيل
وبإيدك الوجع مسكرة
فوق
فوق الغيمات بالسما
حد النجمات
وراء العتمات
هونيك ناطرك
حبك القديم
رفيق الدرب ابو توفيق
تترجعوا
من جديد تلملوا حبات الزيتون
من عند صهرك إميل
بشهر تشرين
يا بيي يا زينة الرجال
تزين بالنور وتعطر بالسرور
وين الورد وين عطر الريحان
وزهر الياسمين
خبر الأحباب
راجعة ليالي الفرح
صوت العتابة
والميجنا
وهيهات يا بو الزلف
وعيني يا ام توفيق
ما احلا الوما بالوما
وما أحلا العيشة الهنية
هيهات يا زمن
:؛::::::::::::::::::::::::::::
٦/٢١/٢٠١٨همسات
الشاعر توفيق سليم العجيل
ليست هناك تعليقات:
إرسال تعليق