أمَلْ ...
حبّيني من غير حسَابْ
وانسِ النّاقص والزّايد
أنا عاقلْ طيّبْ حبّابْ
غيرك قلبي مُش رايد ...
لو سكّرتِ بوجّي البابْ
راح ضلني حدّو قاعد
انطُر اسمع أحلى جواب
حبّيتَكْ الله الشاهِد !!! ...
يخرب ذوقك عا هالسّحر
الْ ما شافت عيني متلو
ولّا دلالك .. ولّا العطر
آية .. وكلْ شي بمحلّو ...
ما حكينا لسّه ع الخصر
ولا عا الشفاف الْ بيشلّوا
ولا عا الخدّ الْ متل الجّمر
ولا العين الْ كحلها زايد ؟؟
صدّقيني في كتير رجال
لكن ما حدا بيشبهني
راح بتشوفي مني دلال
بإحساسي ما في منّي ...
خصميها وقوليلي تعال
عشقكْ والله جنّني
أحسن ما تسوء الأحوالْ
واكويكِ بجمري القايد ...
عامر ...
ليست هناك تعليقات:
إرسال تعليق