ميجنا ويا ميجنا وياميجنا
جايي عَ إسمك طوّب عيوني أنا
انشالله ياحلوي يكون غيري مَ حبسك
جايب معي عن حب بكرا محبسك
تا إخطبك ويكون قلبي محبسك
وبكون حارس بحرسك وحدي أنا
بأحلى من الحلى إمك عملتك
رصيدك من جمالك مش عملتك
اسمحيلي إنتسب فيكي ع ملّتك
وعَ شرع الحب نكتب هالكتاب
شو همّي كيف ما كانت قبلتك
يا أحلى من العسل طعمة قبلتك
أنا عن حب ياغالي قبلتك
دخيلك عجّل ولبّي الطلب . عيسى فضة
ليست هناك تعليقات:
إرسال تعليق