كلامك كان لي وجع
يشرخ ف اوتاري
وقلبي اللى حبك اوي
ف عز العافية ركع
يابحر الصفا والعشق
ياعذب انهاري
ماتمزعيش والنبي
احساسي ف شُريانى
ماتصدقيش الرمل
وضرب الكلام ف الودع
قلبي اللى فيكي اتخلع
و كتبت اشعاري
والشوق ف الضلوع اندبح
واهي ماسكه فيه ناري
يا تفرحيه ب البقى
او يصعب عليك حالى
انا راضى ب المقسوم
وف عز حر الاشتياق
كان قلبي عاش ف الصوم
لا افطر ب كلمة امل
ولا حتى رمش يدوم
ساعة بلوغ القضاء
معرفت اكون مصدوم
كنت انتى ليا النهر
اشرب ما أنا المحروم
وهربتى عن داري
وارجع اقول نتفق
اصلي انا شاري
ابلعلك انتي الزلط
وهفوة منى غلط
تقولى مش عادي
تفتكرى انه ضعف
من تانى تتمادى
خلاص ما قلبي تعب
والحزن كان زادى
اكونلك انتى السند
وانتى بقى ف وادى
طب اعمل ايه والنبي
ما هو أنتي بقى البادى
ليست هناك تعليقات:
إرسال تعليق