&&&&&( أنا= وحماتي )&&&&&
/////////////( سجال)////////////
انا
بنتك عندك عصيانة مالفيت دار
الظاهر إنا نسيانة لولاد زغار
كنو. بدك تهديها. ترجع عالبيت
ولّا لتخافي عليّي النسوان كتار
حماتي
جتني ولمّا قالتلي كل الأسباب
قلبي عليها حنية والخالق داب
قالت إنو مجوعها متلفا البيت
مالك شغلة تشغلهاوإيدك مزراب
انا
بهالكلمة صدقتيها شوفي البراد
فواكي ولحمة معباية هيك معتاد
بيتا قلعة مضواية بحاجة تنضيف
الظاهر مانا معتادة فرش السجاد
حماتي
حماتك اوعا تتحدا بكلمات كبار
تزكر. إني. بوجّهلك . آخر . إنزار
برج العالي ياغالي لو غضبت عليه
مها تعمشق بالعالي بيصفي دمار
انا
اوعك إنك تفتكري بخاف التهديد
البحر بجمّد موجاتو بيصير جليد
خلّي بنتك بديارك ما الها لزوم
شب بعمري مبيكره عصر التجديد
حماتي
بكرا بترجع لعندي متل الصرصور
مكسّر ريشات الجانح باكي ومقهور
قدش بدك تترجى وتبوس الإيد
حتى تتعلم وقتا إنك مغرور
انا
بنتك خلف البرداية مبارح بالبيت
كانت حالا مخباية تحكي عالنيت
ولادا يبكو عالننة وقرقعة. صحون
رتني ماني متجوز هيك تمنيت
حماتي
يمكن شغلة عرضية طول بالك
خلّي عندي القضية لجل طفالك
الصلحة افضل هوية قالوا الحكام
تركني مع بنتي حلّا شوف أعمالك
انا
شعرتك إنك حماتي يم مراتي
وشك ضاوي بصفاوي ع مرآتي
نحنا ولادك قوليلي منعمل ونجّد
ولتلوميني بهالشردة من عقلاتي
**
تصالحنا ونشالله تعجبكم
بقلمي
سلمان حسن
ليست هناك تعليقات:
إرسال تعليق