سامحنا !!!
لا أهلا ولا سهلا فيكْ
مادامك ما بتحبّنا !!
عَ الواحة شو اللي مودّيكْ
غير لأنّك تكربنا ؟ !!!
لمّتنا كلّها أحبابْ
الله مبارك ألفتنا
لو تسمح لا تدق البابْ
وجودك بينّا بيزعجنا !!!
ما بدنا منّك لا ورود
ولا بهديّة تجاملنا
بينّا وبينَك صار صدُود
ليش مصمم تحرجنا ؟!!!
ما عنّا ناس بوجّين
بتتظاهر انّو معنا
وجوّاتها بين هلالين
حيّة وبدها تلسعنا !!!
فارقنا وخليك بعيد
يرحم بيّك ودّعنا
لا تكرّر حكيك وتعيد
من كتر الكذب شبعنا !!!
دوّر لك على ناس جداد
ما بتعرف يلّي عرفنا
وعن غشَّك خلّينا بعاد
على صراحتنا سامحنا !!!!
عامر ...
ليست هناك تعليقات:
إرسال تعليق