يا ابني يا سندي
خليك قاسي وعندي
دوس ع الألم والجرح
وما تقلش في يوم آآآه
إلعب ع الدنيا وما فيها
خبط بشمالها ويمينها
خد من ده وده
ولا تشكي لحد وتقوله آآآه
سكة الطيب ما تنفعش
الصاحب يصاحبه الغدر
ايدك ما تمدهاش لحد
ولا تقول آآآه يا زمن آآآه
قلبك حجر خليه
ايامك تعدي وتمشي
ولو في يوم حسيت بألم
اوعا تنطق آآآه يا قلبي آآآه
الحب ده مجرد كلام
ما يستاهلش حتى السلام
لو عرفت طعم الإحساس
حتصرخ روحك آآآه من الغدر آآآه
أمك وأبوك دين عليك
رضاهم من رضا ربك ليك
أخوك سند ليه خليك
لو سبته حيقول آآآه يا دنيا آآآآه
أمانة اتعلم القوة
لو ضعفت حتنكسر من جوه
مش حتلاقي حد جمبك
وتقول آآآآه منك يا زمن آآآآه
رندا ابراهيم
ليست هناك تعليقات:
إرسال تعليق