(غصّة شاعر ) شعر محكي
شاعر سنينو بالعطر فاحو
وصّل لعندي ووقّفْ قبالي
بوجه ناضر نضجْ تفّاحو
ومصفرّ حبّة وسكّرو عالي
قلّي عطاني الشعر مفتاحو
تا أسكبْ من العنبر غلالي
ولمّا دعيتْ الناس يرتاحو
ورشرشتْ عطر النرجس الغالي
كل طير ولّف للسما جناحو
وعاف الغناني وساب موّالي
كلّن يا أبني سافرو وراحو
وبقيتْ غنّي الشعر لا حالي
قولك بعد ماطوّفو وطاحو
وصارو ب هاالأقطار جوّالي
رح يستردّ الوطن سوّاحو
ويرجع الشعر يصير رسمالي
هاالوطن لولا هاجرو رواحو
وماعاد رجعو شو نفع شعري
بخسرانهم خسران أمالي
شعر: بسام الأسبر
ليست هناك تعليقات:
إرسال تعليق