صدمة !!!
فكّرتَك أكبر من هَيك
بأخلاقك ولا بحبَّك !!
ما بتعرف غشَّها عينيك
وما بيعرف ينصُب قلبك !!
لكن بالجّهل اللي علَيْكْ
موّتّ ورودي بدربكْ
وخلّيت الشّوك حوَاليكْ
يدميْك ويفضَح كذبك ... !!
الشّطارة منّها بالكذبْ
وتخلّي العالَم تقنَع
أنّك أوفى وأطيب شبّ
بوعودك .. لأ ما بترجع !!!
الشّطارة انّك ما تخون
ويضلّو اسمك يلمع
والعِشرِة ما بلحظة تهون
وتخلّي الْ حبَّك يفجَع ....
هيدا الدَرس عليكْ كبير
عقلك ما راح يتحمّلْ
راح تبقى بعينِيك الزّير
وعليّي بجهلك اقبَل !!!
غلطان وحياتك يا صغير
ما برجع متل الأوّل
وما بدفن قهري بالببير
وقلّك يا روحي ادّللْ !!!
عامر ....
ليست هناك تعليقات:
إرسال تعليق