/ سنة مباركة /
انشالله السني من بعد هالحرب اللعين
يكون السعد ناقوسها وعالي الرنين
وفرح الطفولة تزرعو بحقل الحياة
وقمح النصر والخير في كل العرين
ونفتح سوا باب الفرح والأمنيات
بمفتاح حب ونقغل الباب الحزين
تيفوت ضو العيد وتنجلي العتمات
يضوّي طريق جديد للشعب الأمين
ويمد هالجيش البطل جسر النجاة
ويزيّن تيابو الوطن بالياسمين
ويستقبل بأمن وأمان الآتيات
ويعود من هالحرب مرفوع الجبين
تا نرفع الرايات فوق الصاريات
صح الصحيح وصار في عنا يقين
إنو انتهى عصر الخطايا والطغاة
وإنو مع الأبطال رب العالمين
وغيّابنا بعدن ع بال الذكريات
انشالله السنة رح يرجعوا هالغايبين
ولأم الشهيد بقول كلمة وبختما
بعدو شهيدك حي طل من السما
بيعايدك فرحان بالنصر المبين . د. عيسى فضة
ليست هناك تعليقات:
إرسال تعليق