&&&&&&&&( فكرة زواج )&&&&&&&
هي تقول
==.=.=
بدك يانا نتجوز بكرا بالعيد
جبلي بكرا شي بكلة وفستان جديد
وشاعر يطربنا بعودو وبنات الغيد
عنا ترقص والحنة ونغمة مزمار
هو
نظرة عينك تأمرني وعليّ تمون
بدي جبلك شي شاعر متلي مجنون
بدي طير عالزرقا بالحفلة صحون
ونزل بالصحن الفاضي نجم الغرار
هي
لكن وحيات الباري خيفاني عليك
النسوة حولي كتراني تحول عينيك
ولما انت بتنساني مارح راضيك
متلك بعمل يلغالي الشبان كتار
هو
شو هالعلقا المجنونة وقعنا بالشك
إذا عهدي بتخوني رح عنقك فك
كلك شقفة قرعونة لتقولي زمك
راعي غنامي والراعي ضريب حجار
هي
هيدة الشغلة بطلنا مابدنا نحب
اقبل بيراعي متلك والباري صعب
بدي شاعر يلبقلي يحكيلي حب
مابدي راعي. متلك داير سمسار
انا عنه
دخل خدود الوردية وبسمات الثغر
بصدرك كاسات محبة ملياني خمر
كنك بتحبي الخمرة وسطور الشعر
عنا الواحة عمرانة وكلا شعّار
بقلمي
سلمان حسن
ليست هناك تعليقات:
إرسال تعليق