حوار بين صديقين !!
🕴شُو القصّة يا رفيقي قول
ليش لونَك صاير مخطوف ؟؟
🚶♂️عشقان وحدة بنت أصول
صيتها بجمالها معروف !!!
🕴طيّب لازم تتهنّى
ما تزيد الآهة والأووووف ؟؟
🚶♂️وحياة عينَك بتمنى
ما آكل من رفضها كفووف !
🕴يعني مَنّها قبلاني
أو زعلانة وحردانة ؟؟
🚶♂️لأ لأ مش هيك القصّة
بس عليي تقلانة !!!
🕴أنا لو منّك برميها
ما بقى جنّ وحاكيها ..
🚶♂️طوّل بالك لا تحتدّ
القصّة أنا ميّت فيها !!!
🕴ميّت فيها ومتبهدِل
والله وضعك بيخجّل ؟؟
🚶♂️يا عمّي تركني بهمّي
ما بدّي بدني تزلزل !!
🕴أنا والله خيفان عليك
يشمتوا كلّ اللي حواليك ...
🚶♂️اطلع منها انت وما عليكْ
كرمالها أنا بستَحمّل !!!
عامر ...
ليست هناك تعليقات:
إرسال تعليق